“ნაციონალური მოძრაობის” ერთ-ერთი ლიდერის, ხატია დეკანოიძის სახლთან მომხდარ ინციდენტზე მოკვლევა, წვრილმანი ხულიგნობის, 166-ე მუხლით დაიწყო, რაც 500 ლარიდან 1000 ლარამდე ოდენობით ჯარიმას ან 15 დღით ადმინისტრაციულ პატიმრობას გულისხმობს.
შსს-ს მხრიდან მოკვლევას ენმ-ის წევრი, ხატია დეკანოიძე Facebook-ზე გამოეხმაურა. მისი თქმით, პირი, რომელმაც მას სიტყვიერი შეურაცხყოფა მიაყენა, ალკოჰოლის ზემოქმედების ქვეშ იყო, ამასთან ის საჯაროდ დაემუქრა “ნაციონალური მოძრაობის” წევრებს, თუმცა საქმეში აღნიშნული მუხლები ასახული არ არის.
“ზემოქმედების ქვეშ ავტომობილის მართვა?
– საჯარო მუქარა დახვრეტით ყველა -ნაციონალური მოძრაობის წევრი მიმართ?
– მანქანის დამიზნება ჩვენზე? ჟურნალისტი ძლივს გადარჩა.
ანუ სახლში რომ მოგვივარდეს ავტომატით ადმინისტრაციული ჯარიმა შეაჩერებს?”,-წერს დეკანოიძე.
გუშინ, 24 ივლისს არაფხიზელ მდგომარეობაში მყოფმა პირმა ხატია დეკანოიძისთვის მანქანის დაჯახება სცადა და შეურაცხყოფა მიაყენა. შემთხვევა ნუცუბიძის პლატოზე მაშინ მოხდა, როცა ენმ-ის წევრი ჟურნალისტებს სატელევიზიო კომენტარს აძლევდა.
MTAVARI.GE
