ქართულ-დასავლურ პოლიტიკურ კონიუნქტურაში სააკაშვილი აღარ არის ფაქტორი – კახა ქემოკლიძე
“მიხეილ სააკაშვილი არის ქართული ოცნების მხრიდან ხელოვნურად შექმნილი დილემა. ბრიუსელის და ვაშინგოტის ვიზიტების ფონზე ეს იმდენად შავით-თეთრზე გამოჩნდა, რომ დადასტურებით შემიძლია გითხრათ, რომ ეს არის შემდგარი ფაქტი. დღეის მოცემულობით, ადამიანი აქტუალური არ არის ქართულ პოლიტიკურ კონტექსტში. მე არ ვიცნობ უკრაინის შიდა პოლიტიკას ისეთ დონეზე, რომ ვთქვა, ეს ადამიანი იქაც არ არის აქტუალური.
შეიძლება ცდილობს საკუთარი თავის აქტუალიზებას, მაგრამ ქართულ პოლიტიკურ კონიუქტურაში ისევე, როგორც დასავლურში, მიხეილ სააკაშვილი აღარ არის ფაქტორი. ამას იძახიან ბრიუსელშიც, აშშ-ც და მთავარი გზავნილია, რომ ქართული შიდა პოლიტიკა უნდა დაიგეგმოს, განხორციელდეს და მოგვარდეს საქართველოში”
– განაცხადა პარტია „ საქართველოსთვის” პოლიტსაბჭოს წევრმა, კახა ქემოკლიძემ პალიტრანიუსის ეთერში.
