საქართველოს ენერგეტიკისა და წყალმომარაგების მარეგულირებელი კომისიის გადაწყვეტილებით, 1 ივლისიდან დანარჩენი თბილისის მსგავსად გაზის საფასური იზრდება გარეუბნებში – ვარკეთილში, გლდანსა და მუხიანში. ახალი ტარიფი 2022 წლის 31 ოქტომბრის ჩათვლით იმოქმედებს.
კომისია განმარტავს, რომ მიზეზი ნაყიდი გაზისა და აბონენტებისთვის მიწოდებულ კურსს შორის სხვაობაა. ბოლო რამდენიმე თვის განმავლობაში ლარი დოლართან მკვეთრად გაუფასურდა.
მოქმედ ტარიფთან შედარებით ახალი ტარიფი 8 თეთრით არის გაზრდილი:
- ვარკეთილი (შპს “ვარკეთილაირი”) – 57,062 თეთრი/მ3;
- გლდანი და მუხიანი (სს “ენერგოკავშირი”) – 57,794 თეთრი/მ3.
გარდა ამისა, გაზის საფასური გაიზარდა სენაკში (შპს “გასკო”). ამ შემთხვევაში ფასი 5 თეთრით არის გაზრდილი. 1 ივლისიდან სენაკში 1მ3 გაზი 53,351 თეთრი ეღირება.
ჯამში გაზის საფასური 37 ათას ოჯახს გაეზარდა.
უფრო ადრე, 27 მაისს, სემეკის გადაწყვეტილებით გაზის საფასური გაიზარდა თბილისის ცენტრალურ ნაწილში – კომპანია “თბილისი ენერჯის” აბონენტებისთვის.
რადიო თავისუფოლება
