თბილისთან ახლოს, ერთ-ერთი კოვიდ კლინიკაში პაციენტმა მორიგე ექთანი დაჭრა. არსებული ინფორმაციით, კოვიდკლინიკაში ყოველდღიური შემოვლის დროს, პაციენტმა ექთანს დანა ჯერ სახეზე, შემდეგ კი ყელზე დაუსვა. ჭრილობები მძიმე იყო, რის გამოც მედიკოსს ქირურგიული ჩარევა დასჭირდა.
ექთანი 21 დეკემბრის დილის 5 საათზე აკეთებდა შემოვლას, მივიდა პაციენტთან მიაწოდა ჟანგბადი ნიღაბი, დაიხარა სატურაციის აპარატის ასაღებად, ამ დროს პაციენტმა დაიჭირა ის კისერით და ბასრი იარაღით მიაყენა ჭრილობები ყელის არეში”, – ამბობენ კლინიკაში.
ძალადობის ფაქტები გახშირდა მთელი ქვეყნის მასშტაბით. ერთ-ერთ კლინიკაში პაციენტმა ექიმს ოთახის მინები ჩაუმსხვრია. კიდევ ერთ კლინიკაში კი პაციენტის ოჯახის წევრებმა მედიკოსი ისე სასტიკად სცემეს, რომ მას ექიმების დახმარება დასჭირდა.
ექიმების დაცვის ასოციაციაში ამბობენ, რომ მსგავსი დანაშაულის პრევენციისთვის კანონი უნდა გამკაცრდეს.
